لا هاعتبك ولا الومك.......قليل الاصل من يومك 2

احنا اكيد في النار و بنتحاسب............
متستغربوش من العنوان و انا لسه محششتش عشان يكون كلام مسطيل.
عيشوا معايه شويه و انتوا تفهموا \\\\\\\\\ لما تكن الاسعار بالشكل ده كل حاجه غليت بشكل فظيع تصوروا حتي البيض البيض يا ناس الي مفيش اكتر منه في مصرنا الماروسه قصدي المحروسه غليي و العري في الفضائيات و الشوارع و التزوير في الانتخبات و المحاكمات العسكريه و حبس الصحفيين و التعزيب في الاقسام و غتاته كمين الاسماعليه ولا اكننا في ابو غريب و المرتبات الجامده اوي و مراتي الي خدت بنتي و مشيت و الزحمه في الشوارع و الموت في طوابير العيش و الحشيش الي غلي .
بزمتكوا دي دنيا و لا النار
اسف عشان طولت عليكوا

لا هاعتبك ولا الومك.......قليل الاصل من يومك

خبر عاجل

منذ قليل وقع عمو حبيب قرار الافراج عن باقي معتقلي المحله علي خلفيه اضراب 6 ابريل
نقلا عن يا لالاللي
عقبال مصر كلها

يا الف مليون مبروك

يا الف مبروك سنتين كمان من الطوارء و بالاجماع يا ناس شوفوا هي دي قمه الديمقراطيه يا خونا
و الله ده انا كنت حزعل اوي لو اتلغا دي عشره برضه يا ناس و العشره متهنش برده

لا بارك لله في قوم ولي امرهم النساء

متستغربوش من العنوان بس هو ده الي حصل لما ماما سوزان تعمل قانون الخلع و ترفع سن الحضانه و تعطل تمرير قانون الاستضافه في مجلس الشيوخ عشان تطلع ميتيين ابونا و تبضنا يبقا مفيش خير فينا
كنا زمان نستنا لما الطفل يخلص سن الحضانه الي هو 16 سنه وناخده انما دلوقتي لازم نخيره فمن الطبيعي انه يختار الام لانه اصلا معيعرفنيش و حيعرفني ازاي و انا بشوفه 96 يوم في 16 سنه بواقع 3 ساعات اسبوعيه
و الرؤيه للطرف غير الحاضن فقط يعني ولا الجد و الجده و الاعمام و اولدهم يعني من الاخر كده شكرا علي صله الرحم
انا بقالي 8 شهور مشفتش بنتي الي عندها سنه ونص يعني محاكم و حركات و حتي لما المحكمه تحكملي بالرؤيه نبتدي مشوار طويل من البضينه خد عندك البنت عيانه او مسافره مصيف و شهادات دكاتره و محاضر اثبات حاله و بتاع
المحامي بتاعي قالي قبل منغمل اي حاجه لازم تنسي انك خلفت
بزمتكوا حد فيكوا يقدر

خدو شويه فلسفه اه مستغربين ليه هو انا صغير ركزو ا شويه
الراجل بيمر في حياته بشويه مراحل:
1 _ مرحله الطاووس:
ودي با ساده بتبتدي من اول سن المراهقه يعني 16 \ 17 سنه لغايه ما الافندي يصاحب و يخطب
طب ليه طاووس الواد عامل في نفسه البدع عشان يعجب جاجول و برفنات و كابات و مسقط البنطلون و مبين البوكسر
2 _ مرحله الاسد
مبروك الباشا خطب يبقا لازم يكون اسد حازم صارم قاطع دكتاتور من الاخر ياساده و شرف لاي وحده انه يرتبط بيها
ودي بتمتد معاه لغايه 28 سنه او الجواز ايهما اقرب
3 _ مرحله القرد
اه والله قرد ما انا نسيت اقلكوا مبروك الباشا خلف و من الولاده لغايه 5 :6 سنين لازم يكون قرد يلاعب العيال من اول بدي بدي ياختي كاميله ايه الوحاشه دي لغايه شيل الواد من الارض ارمي الواد من الشباك
4 _ مرحله الجحش
الباشا بتعنا وصل سن 40:35 سنه حمدلله علي سلمته و معاه ضغط و مبادء سكر و قلب و ربنه يكون في عونه بيجر عربيه فيها ابوه و امه و حماه و حماته و العيال و امهم بس الحمل لسه قلييل
5 _ مرحله الحمار
الباشا داخل علي 52:50 العربيه هي هي بس الحمل زاد العيال كبرت و ابوه جاله زهيمر و امه ماتت و حماه و حماته ان كانو عيشين فكتر خيره انه مستحملهم و المدام دخلت سن الياس من اوسع ابوابه كان الله في العون يا سيدي
6 _ مرحله التيس
تخيلوا الحج بتعنا بقا بركه في كل شئ العيال كل واحد في دنيته و اهله ماتوا وكلامه مش مسموع مهي الست امهم وصتهم ان كلمه حاضر بتريح.
مين منكوا يحب يبتدي حياته طاوس و ينهيها تيس يعني كده حيوان وكده حيوان

اسمع

اسمع .....ايوه انت يا حسني انا مبحبكش و مبكرهكش .........انا اصلا معرفكش
بس نفسي يجي اليوم الي اشوف حد تاني قاعد علي رقبتنا اصدي الكرسي حتي لو جمال بس اهو تغير و السلام
انا من يوم ماوعيت علي الدنيا و مش شايف غيرك نفسي اشوف حد تاني في التلفزيون و صور غير صورتك في الشوارع و المياديين و فوق الارض و تحت الارض اسمك بقا اغنيه حتي صورتك فوقيه ( في المكتب) .
ايه يا عم مزهئتش انا زهئتلك
استخبه شويه خلينا نشتئلك حتي لو بالكدب
انا حاسس انك عايز تمشي طب متمشي اه خايف من ولاد الايه متخفش دول قله مندسه ولا نسيت
اسف اني طولت عليك و بالمناسبه شكرا يا كبير علي ال 30% اينعم هم ميجوش كيلو لحمه لانهم عندي 43 جنيه
بس اهم احسن من وشك

انها حقا عائله محترمه

دي حكايه عايش فيها من 28 سنه هي عمري
يوم 26\10\1980 شرفت الدنيا و كانت بدايه الرحله بابا حسني حبيبي هل تعلم ان دكاتره وزاره الصحه بتعتك لعبوا في جسمي البخت بكميه مهوله من العمليات الناجحه طبعا والي بتدرس دلوقتي و من شده نجحها عادوها كلها بعد 6 سنيين للتاكيد مش اكتر او تحت بند في الاعاده افاده بس الحمد لله انا احسن من غيري كتير علي الاقل ماشي علي رجليه
بابا انا دخلت المدرسه ومن حضانه الي الثانويه العامه مدرسينك جابولي تخلف عقلي اه و انعمه شويه ضرب مع الكثير من الشتيمه و الدروس الخصوصيه
كفيله بانهاء طموح اي كائن بس الحمد لله انا احسن من غيري كتير اخدت ثانويه عامه و دخلت كليه الهباله اصدي الزباله معلش التجاره
معلش يا بابا انا غلط من اول سنه لما قلت ادخل الحياه السياسيه بابا الامن بناعك شدني علطول ملف في امن الدوله ميضرش شويه شتيمه و سحل ايه المشكله بس و لاني عنيد الوا يخلوني عصفوره معرفوش اني غراب اموا اصتدوني تاني و تالت
بابا الاساتذه بتوعك استاصدوني و سقطوني عشان يربوني بيتهموك انك معرفتش تربيني و لما زهقوا مني خرجوني
مرسي يابابا اشتغلت في بلدك بالكوسه و الواسطه و المرتب الكبير الي انت بتدهوني جوزني بسسسسسسسسسسسسس
ماما الله يكرمك سيبي النسوان في حالها مش كل الرجاله متربوش و انتي الي حتربيهم بسببك مراتي اطلقت و اخدت بنتي عشان المساواه و حقوق النسوان
و جمعيه المراه المتوحشه بتاعتك
اخويا الكبير اوي ربنه يوفقك من سار علي الدرب وصل بس خلي عموا المفتي يغير الدين عشان تعرف تقعد عكرسي قله ان كان انت و هو متعرفوش انه
( لا يجوز للمرء ان ينكح ما نكح اباه ) و بابا عمال ينكح فيهم شوف من قد ايه

مصر يا امه يا بهيه مصر يا امه مليانه حرميه

مبروك علينا البنزين و السجائر و الباقيه تائتي.
دي ناس خايفه علينا بجد بدل متشربوا سجاير و تضيعوا فلسكوا و تضمروا صحتكوا و من حبهم لينا و خفهم علينا اديهم غلوا السجايرولاننا في اذها عصور الملوخيه و البتنجانيه ممنعهاش عشان حقوق الانسان
و انا شخصيا بفكر ابطل سجاير و اشرب حشيش عشان ارخص بصراحه
اما البنزين فده قصه تانيه و الحمد لله ان طلقتي اخدت العربيه والا كنت ولعت فنفسي انا وهي