السبت، 26 يوليو، 2008

شكلها باظت

مبروك عليكوا قانون المرور الجديد الي حنبتدي تطبيقه من 1/08/2008
مش عايز حد يتنرفز او ياخد الموضوع علي اعصابه
الي لازم تعرفوه ان الي جاب صفقه الاحزمه بتاعه السيارات هو هو الي جاب المثلاثات و الشنط الطبيه( لقمه عيش برضه) حد يعرف ان المثلث العاكس كان بيتباع بسته جنيه و مش لقيين الي يشيله دلوقتي لو لقيته مش اقل من عشرين جنيه طبعا السيارات الزيرو اصحابها ميشلوش هم الدور و الباقي علي المستعمل و سنينه.
و الشنطه الطبيه دي حكايه تانيه محدش قال لولاد العبيطه ان المكركروم و الشاش المفزلن و المطهرات بتاعه الجروح ليها مده صلاحيه و الحل المثل للجروح هو الماء الجاري عليها لان المكروكروم ماده قابضه للاوعيه فحد ممكن يقولي حتوقف النزيف اذاي.
بلاش ده و ده في حالات الكسور نشيل جبيره في كل عربيه ولا شويه جبس
و بكره يخلونا نشيل ابره و فاتله لزوم الخياطه( ولله مفيش خياطه اكتر من الي احنا فيها)
الاهم من ده كله ان العسكري الي كنت بتغمزه بخمسه جنيه يطبقهم في ايده و يمشي دلوقتي مش حتكفيه خمسين فنصيحه كل واحد يمشي و في جيبه مش اقل من الف جنيه لزوم الغرامات
او يصاحب دكتور و ظابط شرطه يخليهم معاه في العربيه باستمرار
و في الاخر (نعيب زماننا و العيب فينا ومافزماننا عيب سوانا)

ليست هناك تعليقات: